Ek is Henk Lombard van Indwe in die Oos Kaap. Ek het in 1992 'n 4Y Hilux 4x4 gekoop en so hom 2 jaar gery. Van daar af het ek myself in die Isuzu 4x4 wereld tuisgemaak. Vir baie jare was my droom om tog weer 'n SFA Hilux te besit, en ek het my oog nou op een.
Die outjie waarin ek belang stel is 'n '93? 2,8D 4x4 met so ietsie oor die 400 000 km op. Daar is tekens van ouderdom en so 'n bietjie verwaarlosing op die ou. Duidelike roes op die A pilare en 'n stamp of 3 op die bak, en die sitplek is gedaan. Die enjin is so 20 000 km gelede oorgedoen, maar die top het 'n paar maande gelede gegaan nadat hy warm geword het. Mens kan sien hy het hard gewerk, maar is nie doelbewus verniel nie. Die eienaar het 'n tweedehandse top wat ons nog moet opsit.
Daar is nie veel ekstras nie, behalwe bullbar met Warn winch, tralies, alloys met 31" bande en 'n bak liner. Plain en straight forward.
Ek kan hom kry vir R50 000. Ek glo ek kan vir R 60k 'n gawe trok kry. Wat dink julle?
Ek sien uit daarna om julle beter te "leer ken", en inligting en raad uit julle te melk
