4x4 roetes vir 4x2's

[Bees]

Ek het weer na al die lekker fotos en stories gesit en kyk die ander dag, van al die lekker trips en roetes wat julle almal met die 4x4's doen.
Toe wonder ek waar daar orals roetes is wat ek met my standaard 4x2 sal kan aanpak, sonder om darem te veel vas te sit.

Ek het al gehoor die Takbok roete net buite die Paarl is doenbaar met 'n 4x2.
Maar, is daar nog? en is daar miskien 'n plek waar 'n man darem so hier en daar aan 'n duintjie kan raak, want ja, DUINE sal nou seker nie heeltemal werk nie.

So as julle my kan uit help met sulke tipe plekke sal ek dit waardeer.

Wil ook darem die ou wa so bietjie gebruik vir speel.

Dankie

[Sakkie]

Bees

Ek hoor die ouens praat van die Sani pas in Lesotho, ek sal maar nog gaan kyk en dan gaan ek die komende naweek saam met 'n paar pelle Korannaberg in die Vrystaat doen. Ferndale in die Oos Kaap is ook blykbaar doenbaar met ons 4x2's. Weet ongelukkig nie van die Wes Kaap nie.

Sakkie

[ToyX4]

Bees

Ek kan jou nie regtig help nie.

Maar kyk in SA4x4 en ander soortgelyke tydskrifte vir die trails. Dalk kan jy hulle bel en vra of daar escape roetes is. So kan jy dan ry en kyk wat kan jy doen.

Dalk moet jy saam met n pel wat n 4x4 het gaan, dat hy jou uit die knyp kan help as nodig.

[Family_Dog]

Sani Pass is geen probleem vir 'n Hilux 4x2 nie, maar wees versigtig as die Pas reen gekry het, dan word hy glyerig.


-F_D

[ThysdJ]

Een van die dae kan jy Sani Pass met jou Porsche 911 ook uitry. Hulle gaan hom teer. Jy kan altyd Atlantis Duine probeer in die winter as die sand lekker nat is. Ek het so tyd jie gelede 'n ou met 'n Nissan 1400 bakkie daar gekry wat orals op en af gery het oor die duine. En jy kan mos kies watter van die duine jy wil ry en watter jy 'n mis wil gee. Sorg maar dat jy 'n tjommie met 'n 4x4 saamvat vir die vassitslag. :D :D

[Cookie Monster]

Most of Baviaans is passable with a 4x2 shouldnt be a problem just avoid going when there have been heavy rains. And as Kaspaas mentioned if you go along with a buddy with a 4x4 it should not be a problem

[pietpetoors]

Hallo Bees, oppad Malemesbury toe op die Klipheuwel pad is PerdeBerg. Ek glo jy sal hom met 'n 4x2 kan doen, hulle noem ook op hulle webtuiste dat 4x2 dit sal maak. Hy is baie mooi en maklik.
Sien my storie by
http://www.pietpetoors.com/perdeberg

[Knersus]

Bees jy sal sekerlik 90% van die plekke kan ry in 4x2 maar dis nie aanbeveelbaar nie. Sodra jy 'n 4x4 roete ry in 4x2 kan jy wielspin veroorsaak wat dalk die terein/pad kan beskadig. en dit plaas ook baie strem op jou klutch en bande. Op sand beskadig mens nie veel nie maar 4x2 opsie maak weer die pad vol sinkplaat hobbels waarby dit nie sommer sal gebeur in 4x4 nie. Wel ek het al met 'n 4x2 voertuig gery waar 4x4 bakkies vassit dan ry ek houtgerus verby sonder sukkel :o . Dis net die stop en wegtrek slag wat 'n probleem is in die duine in 4x2. Ek glo wel die gogga het jou al gebyt om daai hande viervoet te kry want dit maak dinge soveel makliker en lekkerder en jy het darem meer gemoedsrus om 'n rowwe terein aan te durf.

Sakkie jy is bevooreg om Koeranna berge toe te gaan en nog die Sani ook te ry. Die Koeranna berge is 'n vantastiese plek en wil weer eendag daarheen gaan.
Persoonlik sal ek nie die sani in 4x2 wil opry nie. Die terein is nie te sleg nie maar dis maar 'n steil opdraande die laaste stuk boontoe wat weereens onnodige stremming plaas op die klutch. Ek verkies low range dan kruip ek die pas lekker uit en bekyk die terein en uitsig 8)

[Bees]

Jis Manne.
Dankie aan almal vir die info, ek sal defnitief die roetes in die naby geleë dele van die Wes Kaap probeer. Baviaans en Sani is op die stadium so 'n bietjie ver vir my.

En ja Knersus, die gogga het my duidelik gebyt, kan nie wag vir die dag wat ek my eerste 4x4 kry nie.

Ok

[troos]

Ek kan die volgende 4x2 by jou aanbeveel
* Boegoeskloof 4x4 - tussen Clanwilliam en Lambertsbaai
* Blombos - naby Ysterfontein
* Salmonsdam natuur reservaat - naby Standford
* Matjiesrevier/Whuppertal - Sederberge

Ek het hulle almal self al gery.

Ek beplan nog om die volgende te doen
* Mount Eco
* Helderberg
* Takbok
* Wiesenhof

So daar is baie om van te kies, sonder om 'n "hardore" offroader te wees.

Lekker ry

[hilex08]

die N1 van kaapstad tot in bloemfontein is ook 'n lekker roete, pas net op vir die kamera in beaufort wes, ek het klaar my kaarkie innie pos gekry

[troos]

nie boegoekloof nie, maar boegoeberg......