Diewe jag dié Toyotas

Ou vale1 · Post by **Ou vale1** » Thu Jan 26, 2012 7:22 am

Toyota se Hilux en Fortuner-modelle was die laaste paar maande die gunstelinge onder diewe.

Ao. Annabelle Middleton, polisiewoordvoerder, het gesê dit lyk of daar ’n sindikaat is wat hulle op Hiluxe, Land Cruisers en Fortuners toespits.

Juis omdat Hiluxe en Fortuners sulke hoërisiko-voertuie is, het die Gautrein-bestuur by stasies spesifieke plekke waar dié voertuie geparkeer word, het me. Kelebogile Machaka, woordvoerder van Bombela, wat die Gautrein bedryf, aan Seugnet Esterhuyse bevestig.

Volgens Machaka is veiligheidsbeamptes op alle Gautrein-stasies deur die polisie ingelig dat dié voertuie deur diewe geteiken word.

Hoewel alle voertuie in die parkeerterreine opgepas word, hou veiligheidsbeamptes ’n spesiale oog oor Hiluxe en Fortuners, het Machaka gesê.

Mnr. Riaan Roux, wat die Gautrein daagliks gebruik, het gesê hy het aanvanklik gedink dit is ’n “foefie” toe veiligheidsbeamptes op die Hatfield-stasie in Pretoria hom vra om sy Hilux naby die ingang te parkeer.

“Ek het gedink dit is ’n scam sodat hulle my voertuig makliker kan steel,” het Roux gesê.

“Toe ek eendag by my voertuig op die tweede verdieping kom, was die wiele vasgeklamp en het veiligheidswagte om my bakkie gestaan.

“Hulle het gevra ek moet naby die ingang parkeer sodat hulle ’n ogie daaroor kan hou, want ’n hele paar voertuie is gesteel.

“Sedertdien parkeer ek op die spesiale plek wat net vir Hiluxe en Fortuners is. Die voertuie word versper.”

Middleton het gesê daar is Saterdag tussen 06:00 en 12:00 drie Hiluxe en twee Land Cruisers in onderskeidelik Lynnwood, Constantiapark en Waterkloofrif, almal in die ooste van Pretoria, gesteel.

Volgens Middleton is dit al sowat ’n jaar dat diewe Toyota-voertuie teiken.

Die meeste van dié voertuie ry in die rigting van Soweto. Dié wat teruggekry word, is gestroop aan die binnekant. Dié res word na Mosambiek en Swaziland geneem, sê sy.

Opspoorders van twee opsporingsmaatskappye wat anoniem wil bly, het gesê die Hilux en Fortuner besorg hulle die meeste probleme en word byna weekliks gesteel.

“Dié voertuie is ons prioriteit. As een gesteel word, vlieg die helikopter dadelik en ons word uitgestuur,” het ’n opspoorder gesê.

“Die voertuig met die VVT-i-enjin pas presies in die Toyota Quantum in, wat ’n taxi is. Die res gaan landuit.”

Mnr. Leo Kok, korporatiewe kommunikasiebestuurder van Toyota Suid-Afrika, het gesê die polisie het Toyota in 2010 ingelig dat sy voertuie geteiken word.

“Die polisie het ons gewys hoe die diewe die voertuie steel. Ons het in samewerking met die polisie ’n meganiese stelsel ontwerp en verfyn om te keer dat dit gebeur.

“Die stelsel kan in enige Hilux en Fortuner aangebring word,” het Kok gesê.

OOOOMS · Post by **OOOOMS** » Thu Jan 26, 2012 7:42 am

VIP parkering....net vir ons, great

SWARTLUX · Post by **SWARTLUX** » Thu Jan 26, 2012 8:41 am

OOOOMS wrote:VIP parkering....net vir ons, great

Wys jou net hoe voordelig dit is om 'n hilux te ry! Sien diewe het ook darm klas min dat jy hoor van landrovers wat gesteel word,die diewe weet seker hulle sal nie ver kom nie en sal gan staan langs die pad

4x4Maniac · Post by **4x4Maniac** » Thu Jan 26, 2012 8:52 am

Ek gaan ry sommer die trein net om VIP parking te kry ☺

Stef · Post by **Stef** » Thu Jan 26, 2012 7:52 pm

Hier is die vereistes van 'n welbekende versekeraar:

"Applicable only to all ISUZU’S, MITSUBISHI COLTS & TRITONS, all TOYOTA HILUXS’ & FORTUNERS with D4D motors and all VOLKSWAGEN CITI GOLF’S and VOLSWAGEN Polo’s without exception –
a minimum VESA Level 3 or 4 Approved Immobiliser or factory fitted system with equivalent VESA specification together with an Insurer approved electronic vehicle tracking system as listed below:"

JJBotes · Post by **JJBotes** » Thu Jan 26, 2012 8:27 pm

Stef wrote:Hier is die vereistes van 'n welbekende versekeraar:

"Applicable only to all ISUZU’S, MITSUBISHI COLTS & TRITONS, all TOYOTA HILUXS’ & FORTUNERS with D4D motors and all VOLKSWAGEN CITI GOLF’S and VOLSWAGEN Polo’s without exception –
a minimum VESA Level 3 or 4 Approved Immobiliser or factory fitted system with equivalent VESA specification together with an Insurer approved electronic vehicle tracking system as listed below:"

Jip,ek het daai een.

ChrisF · Post by **ChrisF** » Thu Jan 26, 2012 8:59 pm

Stef maar darem ook nie in al die provinsies nie .....

hier rond word daai tracker nie op almal afgedwing nie.

Stef · Post by **Stef** » Thu Jan 26, 2012 9:20 pm

Daai is maar wat vir my gestuur is by navraag; weet nie of hulle dit net vir GP kliente stuur nie...die ander versekering wat ek toe eindelik gevat het vereis dit nie, jou bybetaling is maar net 2.5% van voertuig waarde meer as jy nie een het nie.

Traveler · Post by **Traveler** » Thu Jan 26, 2012 10:29 pm

Dan is die 2.5D4D nog beter, hulle kan nie so vinnig jaag soos die 3.0D4D nie.

Pora · Post by **Pora** » Wed Feb 08, 2012 11:14 am

Traveler wrote:Dan is die 2.5D4D nog beter, hulle kan nie so vinnig jaag soos die 3.0D4D nie.

haha true story there

Hannes Meyer · Post by **Hannes Meyer** » Wed Feb 08, 2012 1:32 pm

Hier by ons sit jy net "n Nissan agter klap op wanneer jy Windhoek toe ry dan los hulle jou bakkie uit

jagermeister · Post by **jagermeister** » Wed Feb 08, 2012 1:42 pm

Die stelsel wat toyota van praat wat hulle kan instaleer wat behels dit

OOOOMS · Post by **OOOOMS** » Wed Feb 08, 2012 8:30 pm

jagermeister wrote:Die stelsel wat toyota van praat wat hulle kan instaleer wat behels dit

Nie veel nie...ongelukkig, maar iets is beter as niks. Ekstra switch op die onder die bonnet waar hulle inkom....en 'n plaat.

Hilux 4x4 Forum