23 September 2010

Ons het 1 dag se verlof geneem en was van plan om 11 uur al in die pad te val, bakkies gediens en gepak, maar die res van die ekspedisie het eers 12 uur opgedaag, so toe vertrek ons.

Die volgepakte Hiluxe het hulle mooi gedra (soos verwag ) en ons was betyds by Tankwa (omtrent 5 namiddag) na 'n rustige dag se ry, en die stop by Martin (Swifty op die forum) se plek, waar hy ons eers met sy brutale 2.7 uitgeneem het tot bo op die mees ongelooflike uitkykpunt wat ek in 'n lang tyd beleef het. Net weereens bewys dat die klein mannetjies wat Hiluxe bou - weet wat hulle doen!

Ons het afgepak vir die nag by die voorafbespreekte Tankwa "guest house" wat eintlik huise is wat op die boer (vorige eienaar van die grond) se plaas was en deur parkeraad verander is in verblyfplek.

Die aand was letterlik wonderlik - die algehele stilte, behalwe vir 'n geniepsige wind wat so nou en dan mens herinner het dat jy eintlik in die veld is! Die ander ding is dat die generator 9 uur (pm) afgaan en dan is dit kerse of ligte uit - letterlik! Maar mens gee nie om nie, want die donkerte is waarvoor Tankwa bekend is, en die sterre is letterlik "hemels".



24 September 2010

Die volgende oggend het ons "opgesaal" en vertrek na Skaapwagterspos - die kampplek waar ons die res van die tyd sou oorbly in tente. Die feit dat daar geen selfoon ontvangs is nie is wonderlik! Daar is ook geen krag or water nie, so alles moes saam. 50 liter was oorgenoeg vir die lang naweek, insluitend harewas vir die dames, kosmaak, greek shower en tande borsel. Vir die res was Tafel Lager in oorgenoeg supply

Na ons tente opgeslaan het, en die kampterein reggekry het, het ons bietjie gaan rondry om die omgewing te verken.
Die aand het ons lekker onder die sterre gekuier en gebraai.

25 September 2010

Ons besluit om te gaan wild soek - dis after all 'n reservaat?! Ons sien Springbokke, Rooihartbeeste en 2 Zebras. Later vertrek ons na Middelpos - 'n plek waar tyd stilstaan (Willowbridge Mall is groter as die hele sakekern van die dorp!) Daar is ten minste diesel en petrol en "DIE WINKEL" waar mens die minimum kan aankoop, asook 'n pos agentskap (die Poskantoor oorkant die pad is lankal toe). Daar is ook 'n Middelpos Hotel met sy eie kroeg. Ons kry daar diesel, nadat ons eers by Die Winkel moes gaan vra...

In Middelpos het ons nog "Overlanders" teegeloop: 'n 2.7 IFS, 'n 3000d Condor en 'n Isuzu e/kajuit wat al drie saam toer. Ons het lekker gesels (en met Isuzu gespot ) en toe weer die pad terug kamp toe gevat.

Later die middag het ons besluit om na die watergat te gaan om wild te soek.... en het nie veel daar gesien behalwe vir 'n uitsonderlike sonsondergang nie!

Die aand het ons gebraai - en 'n baie kort (maar nat!) donderstorm beleef!

26 September 2010

Ons het weer die omgewing vir die laaste keer gaan verken, en paaitjies gery wat ons nog nie probeer het nie. Dit het gevoel asof mens die tyd wil vashou voordat ons moes teruggaan. Die dames het by die kamp gebly, en was deur ereveldwagters besoek.

Later die oggend het ons begin kamp afbreek en alles opgelaai (insluitend al ons rommel) en die pad baie teesinnig terug Kaaptoe gevat. Ons het gestop op Ceres en diesel ingegooi, en bande opgepomp.

Moeder natuur was nie baie ingenome met ons nie, en het water gegooi, al hoe meer, hoe nader ons aan Kaapstad gekom het. Soveel so, dat al die modder (waaraan ons so hard gewerk het!) afgewas was toe ons tuis gekom het....

Tankwa is duidelik 'n plek waarheen mens wil teruggaan! Glo my ek gaan defnetief weer!

Hier is nog fotos

Nog fotos

Nice report & tx for the stunning pics

Dankie OOOOMS

Dis moeilik om te kies watter fotos om te plaas en watter om te los. Het in 3 en 'n bietjie dae amper 300 fotos geneem. Gelukkig vir digital! Anders was ek bankrot!

Tankwa is regtig 'n lekker plek, maar ek kan glo dat dit nie vir almal is nie. Mens moet van die "outback" tipe plekke hou om dit te waardeer, anders dink ek sal jy teleurgesteld wees, want dis geen Kruger Wildtuin of Serengeti nie!

Pics doen ongelukkig geen justice nie.....

Stem saam - jy moet DAAR wees!

sal later pics opsit

Hi Niel & Theunis, bly julle het die inloer geniet, volgende keer bly julle hopenlik langer!

Vir die wat belangstel daar is ook 'n nice trip report op die Landcruiser forum, die ouens het die naweek baie geniet.

Martin

Martin, ek kom weer dit is verseker en die kamp plek is ook baie netjies ek het gesukkel om pics die naweek te laai. Sal nou nou as ek n kansie het.

Baie nice report hierso, met goeie foto's.

lyk SO lekker ....

Hey !!!! Ek's bly julle het dit geniet daar in die Tankwa ! Martin is my buurman daar !!!!

+1

Hi Willie, imagine meeting you here....

Ek sien dit is jou eerste post, so welkom hier by die Hilux crowd. Ons moet nou net kyk wat jou SFA in die rivierloop doen......

Martin

Jis Martin Ja ek sukkel om die site te bemeester man ! Daar's 'n kans dat ek en Frik gou komende naweek plaas toe gaan. Sal jy ook daar wees ?

Ek is elke naweek op die plaas, behalwe die naweek van die 30e, dan neem ek deel aan die rekord poging op Atlantis. Ek druk net Vrydae die Hilux in die plaas se rigting dan hol hy vanself soontoe!

pics

Agnee Niel! Nou is ek sommer weer lus om terug te gaan! Moet net die driveway hek toe hou anders sal die lux sommer weghardloop soontoe!

Baie mooi fotos!

nice txs

pics

some more

some more

and some more

Niel

Very nice photos!