Swart Baars vang en jakkals jag

[The Legend]

Gary Laubscher het vir my en my seun Herman die naweek wat verby is genooi om vir hom te kom kuier op n plaas in die Arlington distrik in die Vrystaat waar hulle van die 22 Maart besig was om Jakkalse te jag.
Ek het die uitnodiging met ope arms aanvaar aangesien ek dit nodig gehad het om my kop weer n bietjie skoon te kry en ook om weer die kans te kry om met die SFA n bietjie lang pad te ry.Toe ek en my seun die Saterdag oggend 03h00 die pad gevat het,het dit vir my gevoel asof my ou SFA ook uitsien om sy kele skoon te maak.
Wat n aangename persoon is die Gary nie.Hy het ons met ope arms op die plaas verwelkom en onmiddelik baie welkom laat voel.
Nadat ons koffie gedrink het,het Gary ons geneem na n groot dam om Swart Baars te vang.Wat n lekker ervaring was dit nie ook gewees om swart baars te vang nie.Die wind het n bietjie sterk die oggend gewaai en het die swart baars gevolglik nie goed gebyt nie.

Ons kon egter genoeg vang wat Gary heerlik gebak het om die middag saam met die braai vleis te eet voor die manne die aand gaan jakkalse jag het. Herman het ook die kans gekry om met n 4 wiel motor fiets die plaas plat te ry wat hy terdee geniet het

Ek moet se Gary is uit en uit n proffesionele jagter.Al het ek nie die aand saam gaan jag nie was ek geensins bekommer oor my seun se welstand tussen die manne nie.Hulle het hom letterlik op die hande gedra Die volgende oggend kon Herman nie uit gepraat raak oor hoe hy die jakkalsjag geniet het nie.

Hy vertel die oooms het hom heeltyd op hoogte gehou hoekom jakkalse gejag word asook die skade wat hulle die boere se vee aandoen.

Die was met n swaar gevoel wat ek Sondag oggend weer die SFA se neus noordwaarts gedraai het en afskeid van vriende en die plaas moes neem.
Dit was n kort maar n lekker wegbreek gewees en het ek inderdaad weer kans gesien vir die werk met sy uitdagings.

Hier is paar fotos van die naweek se gebeure

[jacques kotze]

Dit lyk of dit lekker was oom Dawie, bly oom het dit geniet

[OOOOMS]

Julle ou jakkalse......

[Mud Dog]

Mooi Lollie!
Lyk my dit gaan goed met Gary!

[CasKru]

Thanks vir die "trip" report Dawie. Bly julle het dit geniet.

[Old Dog]

dit is lekker om bietjie kop skoon te maak is daar baie jakkelse opdie plaas

[Hoppy]

Julle "cammo" daai Toyota mooi, lyk my dis nie net Landrovers wat bang is vir hulle nie!