Hallo Leon,
Ek kom van Laingsburg af, en my oorlede pa het my altyd die storie vertel.....
Hy het as jong seun in die 1950's, Gamkaskloof binne gestap. Hyt altyd vertel hoe fiks en sterk die mense van Gamkaskloof was. Twee broers het glo die tog van Prins Albert af tot in die Hel met n Welcome Dover no.8 stoof gedoen, sonder om een keer te rus!! Als in een dag! Snaaks genoeg het my pa die storie van die Moordenaars Karoo daar by n oom gehoor. My pa het ook gesê dat hy daar, die mooiste meisies gesien het en dat hulle as jong mans behoorlik in die heuning bier geklim het.
Elkgeval, die storie gaan so......
In die vroeg 1700's was die Kaapkolonie nog onder Britse bevel natuurlik. Paul Kruger se spoorlyn was nog nie gebou nie (Kimberley via Matjiesfontein), dus is alle goedere per skip vervoer na Lorenzo Marks. Die britte het glo n klomp europese gevangenis van Tafelbaai vervoer met n stoomskip oppad hoër op langs die suid kus, waar hulle gebruik sou word vir swaar arbeid (bou van Paaie,passe en hawens), klipkap ens. Die probleem het gekom toe die skip te wal gegaan het by Mosselbaai, vir of water/steenkool of voorraad. Hier gestop het tussen 20 en 30 gevangenis ontsnap. Die beste van die saak is, dat hulle besef het dat hulle nie in die Kleinkaroo kon bly nie. Daai tyd was Ladismith, Riversdal se area al bewoon en so hulle net probleme gekry het. Die britte aan die anderkant het geweet hul beste kans om die gevangenis vas te trek in die kleinkaroo sou wees, want indien hulle die Swartberge oorsteek, is dit "tickets" wat dan raak dit niemandsland.
Wel, hulle reken dat die britte, wat nie hierdie verleentheid kon hanteer nie, ten minste 10 of 15 plat getrek het voor hulle die Swartberge kon orsteek.
Die res het dit gemaak oor die Swartberge, en oor die Witteberge ook. Nou is hulle in die Groot Karoo, en het hulle gereken dis nou "open country", maar die boodskap het owerhede by Laingsburg bereik en hulle is verder noord gedryf.
Nou nog meer noord as Laigsburg raak dit regtig n groot oop stuk aarde. Daar was wel trekboere in die area, en een boer het glo een van die gevangenis geskiet, en is beloon deur die goewerneur van die kaap. Maar dis n genadelose wêreld, kos is skaars en water ook. Daar is wel boere vermoor vir hulle kos en klere. Hieroor is ons nie seker nie, maar die gevangenis het onder mekaar begin moor, jy moet verstaan dat as n man desperaat word, dan raak jou medegevangene meer as net vlees en been. Hulle het sekerlik opgebreek en een-een n rigting ingevaar, waar hy of nog boere kon aanval en van sy vee steel, of het hy gevrek van honger en dors. Die boere van die area, het sekerlik besluit dat dit nie so kon aangaan nie, en n "manhunt" begin het, natuurlik ook vir n beloning! Dis hoekom dit Moordenaars karoo genoem word, dit was eerlik soos die wilde weste, net baie erger. Tot vandag toe is daar hierdie groot leemte op ons padkaarte tussen daai driehoek waarvan jy praat. Hierdie gevangenis het geweet dit was hul beste kans van oorlewing, maar hulle sou nie gereed gewees het vir die karoo son, en sy geharde boere nie.
Sekerlik het daar darem een of twee oorleef, maar hy sou erens wes of oos moes gaan, want meer noord sou hulle Verneukpan bereik het, en dan sou dit eers nag gewees het. Legendes het dit dat van hulle wel die Oranjerivier bereik het, waar inwonerstamme hulle vermoor het.
So daar is my weergawe van die legende, hoeveel van die waar is weet ek nie. Die storie het ek al baie gehoor, en hy kry hier en daar n stertjie by. "Dis n mooi wêreld daai, genadeloos maar tog so dankbaar, net drie druppels reën , dan kan jy die verskil in die veld sien" dit was my pa se gustelling woorde.....
Geniet die Groot Karoo Leon, dit is mooi, en is vol geskiedenis, veilig ry, en geniet die sterre hemele! Eks sommer jaloers!
