Maar hy was nie sonder sy pyne nie.
Ek, Cassie, Jaco en sy vrou en Johann en sy vrou het almal sommer by Bennie se huis ontmoet en saamgery van daar af. Oppad gou gestop om die coolbox vol ys te maak, toe die pyne begin.
My bakkie se battery was pap, n splinternuwe een wat ek Donderdag ingesit het, terwyl die alternator oorgedoen is. Toe stoot start ons maar die bakkie, en ry tot by Petroport om petrol te gooi.
So paar kilo's na dit verloor ek teen n tempo krag. Was nog besig om n trok verby te steek toe is als dood.
Trek af, sit n tou tussen my en Cassie se bakkies, en Cas sleep my toe verder.
Gelukkig was Jaco so gaaf om te stop en sy vars battery vir my aan te bied sodat ek op eie stoom tot by RDW kan ry, en dan kan sy bakkie my battery laai.
By RDW aangekom het ons kamp opgeslaan en met n wel verdiende drankie in die hand, naarstigtelik na die fout op my bakkie gesoek. Bennie, ken mos maar my bakkie darem goed, so hy en Cassie en Marcus – my co-driver, het gehelp fout soek.
Darem is Jaco se broer dink ek, of swaer, n auto elektriesien, en nadat Bennie vermoed het dit is die regulator wat foutief is, het Jaco se broer/swaer dit bevestig.
Ek het n ou gebel wat by Warmbad Toyota onderdele werk, maar hy het nie voorraad gehad nie. Het toe Midas en ander onderdele winkels se na ure nommers gebel, sonder sukses.
Aldo hulle het ook daar aangekom terwyl ons sy nommer gesoek het, sodat hy dalk n regulator van PTA af kon saambring.
Darem het Bennie vir Louis van 4x4 Mega in die hande gekry, en hy het uit sy pad uitgegaan om n regulator in Hammanskraal iewers te kry, en die gebring.
Dis nou waar ons op Cassie se foto besig was om die regulator in te sit en die alternator weer vas te maak.
En toe kuier ons lekker om die vuur........
Dankie Bennie, Cassie, Jaco, Louis, vir julle hulp met die moeilikheid. Julle is great ouens en dis n voorreg om julle te ken.
SATERDAG het vroegerig begin, stort eet, inpak. Reg vir die trail.
Ek het natuurlik bietjie gestres en was maar heeltyd skrikkerig dat daar dalk op n kritiese tyd weer iets kan skeefloop met my bakkie....
Johann vermoed ek het ook so stilletjies gestres, oor daar nie petrol stasies op die roete is nie. Want die Lexus is dors..... erg dors......
Ek gaan nie veel se oor die dag nie. Dis n baie lekker roete, nie n maklike roete nie. Beslis nie vir Beginners en Kapenaars nie.
Lovers Lane is nogals iets om te beleef. Ongelooflik om so in die rivier te ry. Soos julle op die onderste foto's kan sien, nou op n paar plekke.
Die plekke waar ons berg op en berg af is was vrek lekker, en soms stres vol, veral waar mens kant toe oorhel, met gelaaide voertuie en daktente. Paar lekker tricky klippe oor.
Langs die pad het ons bietjie ontspan toe die gids voertuig gebreek het. Ons het ook iets kouds oor die lippe gegooi en n ligte ete geniet.
Al die voertuie het die Saterdag roete voltooi, tot die Isuzu, en n paar het n paar nuwe karakter merke op bumper en nudge bars bygekry.
Meeste is “Man of Muis” oor, maar ek was maar muis gewees, want ek was nog bang iets loop skeef met my bakkie, en ek het gevoel ek ken die ou nog nie goed genoeg nie.
Bo-op die berg by die kamp het ons elkeen n plat stuk aarde met so min moontlik klippe gesoek om tent op te slaan.
Toe begin die kuier. Man, en het ons nie lekker gekuier nie. Vleise is gebraai, die mammies en die kinders en die pappies wat die bakkies op die pad gehou het se mage was vol. So het die mense stuk stuk na n lang, lekker dag gaan inkruip.
Ek en Jaco en Johann het toe uiteindelik so 2 uur besluit dis nou slaap tyd, nadat ek en Jaco eers n sigaar geniet het.
Ons het toe met die allervreeslike stereo snorke aan die slaap geraak.
Sondag more uit die vere met n lekker koel windjie begroet, ontbyt gemaak, kamp opgepak en reg gekry vir die laaste deel van die roete.
En toe begin dit. Ek het my bakkie gestart om solank bietjie warm te word, onder in gekyk om te kyk of ek foute sien, wat ek toe wel sien.
Petrol mors, Bennie nader geroep, en so vermoed ons toe dat dit n o-ring op die injector is wat dalk die gees gegee het.
Nou ja, so is ek toe nou uit die dag se roete uit, aangesien ek nie lus was om die wereld aan die brand te steek nie.
Bennie, ek en Johann is toe maar oppad huistoe. Johann omdat die Lex se petrolpomp ook foutief was.
By Bennie se huis het ons toe gou maar gekyk wat is die fout, en gelukkig was dit net n pypklamp op die fuel rail wat gestrip het. Dankie vir jou hulp Bennie, en dankie dat julle julle naweek kort geknip het om saam my PTA toe te ry. Nadat ons dit reggemaak het was ek toe darem so net na 6 uur by die huis.
Baie dankie aan julle wat saam was. Dit was lekker om julle te ontmoet.
Weereens dankie vir julle almal se hulp en geduld.
Dis maar wat ek kan onthou van die gebeure. As ek vergeet van iets wat met iemand se voertuig gebeur het, se julle maar.
Johann het ook so n groeipyn of twee gehad op sy bakkie, maar hy kan dit maar self vertel, netnou kry ek iets verkeerd dan word ek dalk gedagvaar of iets.
Ek sal later n paar foto's laai.
:roll: 
8 ) 
naweek.
guide en GEEN olie lekke nie. 
