Hi julle
Ek het die gekry op RSG se rsg4x4klub site dink dit kan dalk help
Hulle het ook ander toere wat hulle deur die jaar doen gaan kyk gerus op hulle web blad
www.rsg4x4klub.co.za
KALAHARI MIER 4X4 - 3 TOT 6 SEPT 2009.
Vanjaar gaan ons weer die Kalahari aandurf soos ons dit op die heel eerste RSG4X4KLUB toer gedoen het. NET BETER.
Ons gaan by die Kalahari Molopo Lodge bymekaar kom en sommer die aand in die chalets oornag.
Ry vanaf Upington op die Kalahari Gemsbokpark pad. Net verby Ashkam draai ons af na die park en dan kry ons die Molopo Lodge. Jou naam sal op die gastelys wees en jou chalet is bespreek.
Die Wolmaranstad span gaan die aandete in die lapa vir ons voorsien en die hotel gaan ons ontbyt voorsien.
Hierdie kostes is alles deel van die toer en klaar betaal. Die Hotel het oorgenoeg brandstof van alle soorte om al ons karre vol te maak. Die duine begin vrydag.
DONDERDAG 3 SEPTEMBER
Ons kom almal die middag by die Molopo Kalahari Lodge bymekaar.
Daar is alle tipes brandstof by die pompe op die hotel se perseel beskikbaar en hulle is 24 uur oop.
Registrasie is vanaf sesuur by die grasdak lapa waar ons aandete half agt is.
Daar is ‘n kontant kroeg, maar jy mag jou eie flinkdink ook bring.
Mense wat sleepwaens hier wil los is welkom. Ons kom weer hier langs huis toe.
VRYDAG 4 SEPTEMBER.
Ontbyt is seweuur. Ons vertrek agtuur op die roete wat ons na die eerste groot rooi duin neem waar ons eers oefen. Hier help ons die mense wat nog sy 4x4 se ratte en banddruk moet uitsorteer.
Dan trek ons wes oor die duine tot ons die Namibiese grens kry en ry oor die 80 duine al langs die grens op ry tot by Kampspanne waar ons die volgende twee aande kamp.
Hier moet elkeen sy eie tent he. Hier is storte en toilette en ‘n lapa waar ons eet. Alles is egter basies.
Aandete is half agt .
SATERDAG 5 SEPTEMBER.
Ontbyt is half agt en ons vertrek half nege oor die duine tot by die suidgrens van die Germsbokpark. Dan draai ons Wes en ry oor die duine tot waar die Gemsbokpark se suidgrens by die Namibiese grens kom. Daar draai ons suid en later weer oos op die kruin van ‘n groot duin langs tot by Polai. Hiervandaan vat ons die pad terug kamp toe.
Die duine is groot en dis enorme plesier om hier te speel. Die grootste duine het darem ‘n verbypad vir die wat te veel sukkel.
SONDAG 6 SEPTEMBER.
Ons ontbyt half agt en dan vertrek ons terug huis toe langs die suidgrens van die Kalahari Gemsbokpark tot by Twee Rivieren en dan ry ons in die Molopo-pad tot by die Molopo Lodge waar ons weer die teerpad kry.
Daar is alle brandstof beskikbaar.
LET WEL
Hierdie is een van die lekkerste roetes en ons geniet dit erg baie.
Bring jou eie tent en kampgoed, flits, drinkgoed, bandepomp en drukmeter, sleeptou, eetgerei, kampstoel, 10 liter drinkwater per voertuig, kamera. Sorg dat jou voertuig ‘n sleephaak voor en agter het.
Ons ry nie meer as 350 km. tussen brandstofpompe nie en loodvry is beskikbaar.
Die koste is R1950 per persoon wat alle etes en padkos insluit asook die kampplekke, die gidse en die eerste aand in die lodge.
Kinders onder 10 jaar is R500, 11 – 16 jaar is R975, 17 jaar en ouer volprys.
Hierdie gaan ‘n meestertoer wees met baie verrassings!!!!!!.
My noodnommer is 082 491 5900.
NB: DIE EERSTE AAND MOET JULLE NETTE OPSIT BY DIE VERKOELER VIR DIE GRASSADE.
