Reuse-eis teen Land Rover ná man sterf

[Agteros]

Reuse-eis teen Land Rover ná man sterf
2009-09-12 12:42

Willem Pelser


'n Weduwee van Nelspruit eis R100 miljoen in die Pretoriase hooggeregshof ná haar man dood is in ’n Land Rover wat oor ’n afgrond gestort het weens ’n beweerde fout met die voertuig.

Me. Jolene Klopper (33) het die eis ingestel teen Jaguar Land Rover, die Suid-Afrikaanse verspreiders van Land Rover, en ’n Land Rover-handelaar in Nelspruit. Haar man, Kallie (34), is in 2006 tydens ’n viertrek-uitstappie dood.

Sy Land Rover Discovery 3 het volgens hofstukke glo ’n elektroniese fout ontwikkel en nie oor ’n veiligheidsmeganisme beskik om “wanfunksies te neutraliseer nie”.

In hofstukke word aangevoer sy werkgewer het geweet van die fout, maar kon dit nie regstel nie.

Klopper het by die Land Rover-handelaar gewerk as ’n gids wat kliënte op viertrek-uitstappies geneem het. Hy was amptelik die tweede beste viertrek-bestuurder in Suid-Afrika.

Op die dag van die voorval was hy en enkele viertrek-bestuurders in die berge in Lesotho. Hy het ’n voertuig bestuur wat sy werkgewer verskaf het. Die groep wou stilhou om iets te eet.

Toe Klopper die elektroniese handrem wou aktiveer, was daar net “?’n harde klapgeluid”. Die handrem wou glo nie werk nie en volgens hofstukke is die enjin-bestuurstelsel verkeerdelik geaktiveer, wat die voertuig “drasties” laat versnel en die remme buite aksie gestel het.

Die voertuig het buite beheer met Klopper en sy vierjarige seuntjie, Markus, vorentoe beweeg en oor ’n afgrond gestort.

Net voor die voertuig die grond sou tref, het Klopper sy seuntjie se lewe gered deur hom by die oop voorste passasiersdeur uit te gooi.

Klopper se swaer, mnr. Hein Botha, en sy vrou, Marina, was ook in die voertuig. Hein Botha het uitgespring voor die voertuig oor die afgrond is, maar sy vrou kon nie uitkom nie. Sy is beseer en het oorleef.

Die Botha-egpaar eis ook R320?000 vir pyn, lyding, skok en trauma.

Me. Klopper en haar prokureur, mnr. Jacques van Wyk, verkies om nie nou oor die saak te praat nie.

Gevra of sy al haar man se dood verwerk het, het Klopper gesê: “?’n Mens verwerk seker nooit heeltemal so iets nie. Jy leer elke dag om die situasie beter te hanteer, en ter wille van die kinders moet jy aangaan met jou lewe”.

Vir die drie kinders is hul pa se dood baie moeilik.

“Markus en sy pa was onafskeidbaar. Hy is nou in ’n stadium waar hy ’n pa bitter nodig het. En ousus Jené verwerk sy dood ook moeilik … sy en haar pa het ’n hegte band gehad,” sê Klopper.

Sy was swanger met haar driejarige dogtertjie, Zandrie, toe haar man dood is.

Mnr. Roland Reid, bemarkings- en verkoopbestuurder van Jaguar Land Rover, het bevestig die maatskappy het ’n dagvaarding ontvang.

Hy ontken daar is ’n fabrieksfout met die Land Rover Discovery 3.

Mnr. Gerhard Kroon, bestuurder van die Land Rover-handelaar in Nelspruit, wou niks sê nie “om dinge nie nog moeiliker te maak vir Jolene nie”.


- Rapport

[jan30]

Ja dit was nogal erg Kallie was my aangetroude neef. Die eis is eintlik R300 000 000 maar dit maak seker nie saak nie.
Hy is dood weens 'n groot fout wat LR gemaak het en hulle was bewus daarvan so hulle moet maar hoes.

[wacky]

ek het nog altyd gese,toe landrover dai elektroniese robot gelaunch het;dis nie goed vir offroad nie.iets lelik kan gebeur met die elektrics en dan sit jy net daar wat hy is ,of erg ,die dood.Op " TOPGear" het hulle baie te se het oor descent,traction control en sulke goeters en hoe goed die karre is.nou ja hulle moet dit terug sluk en optok.

[Agteros]

Ek verkies die kort kierie en die 2 draaiknoppe op die hubs

[pietpetoors]

I also feel that all these electronic gadget do not belong in a 4x4. Lets hope the other manufacturers learn from this.

[Bloues]

My gesegde is altyd "hoekom moet iemand boet met hul lewe voor ander luister" !!!

[hentey]

Waar is scorps......Dit is nie so maklik nie.Die tannie sal nog leer dit is maklik om n saak aan die gang te sit,maar dit hang af hoe dik jou beursie is.Die mense moet nog eers vir Land Rover skuldig kry,en dit is waar die probleem le.My opinie is dat sy die geld wat sy uit haar man se boedel ontvang het moet spaar,en glad nie n emosie met die reg verwar nie.
Haar kanse om die saak te wen.....-0% Ek dink haar prokureur gaan met haar erfporsie opeindig. Net een vraag!...Indien die oorledene bewus was van die probleem,hoekom het hy sy eie lewe en andere se lewens op die spel geplaas?Simpel vraag ne,maar die reg dink nie soos ek en jy nie.Hierdie is n saak wat ek met groot afwagting dophou.
SCORPION........KOM HELP NOU!!!!!!

[ToyX4]

Ek dink Scorpion se Hilux met Lexus conversion en Jeep coil springs agter, gee hom soveel probleme, hy wil nie meer op die forum kom speel nie.