Laat die waarheid seëvier / th truth will out

[Kagiso]

ek hettie gekyk'ie - maar di ekurante sê:
BEELD - 21/02/008
WP se messe uit vir Willie Roos
Feb 20 2008 08:32:09:643PM - (SA)

Willie Roos se vertoning in Saterdag se Super14-wedstryd op Nuweland word  steeds deur die WP bevraagteken.
deur: Stephen Nell


Kaapstad. – Die Westelike Provinsie se messe is uit vir Willie Roos ná dié skeidsregter se brouwerk in Saterdag se Super14-wedstryd teen die Bulls op Nuweland.

Rob Wagner, besturende direkteur van WP Rugby (Edms.) Bpk., het ’n brief aan die Suid-Afrikaanse Rugbyunie (Saru) se skeidsregterbaas, André Watson, gestuur waarin hy dit duidelik stel dat die wedstrydbeamptes nie na wens vertoon het nie.

Die Stormers het Saterdag se wedstryd oorheers, maar met 9-16 verloor. ’n Omstrede drie deur die Springbok-vleuel Bryan Habana vir die Bulls kort voor rustyd is vroeër vandeesweek deur Watson as wettig verklaar.

Dié uitspraak is gister deur Wagner verwerp, wat aangedui het hy het ’n brief aan Watson gerig.

“Die vraag is of Willie Roos die regte man vir dié wedstryd was,” sê Wagner.

“Ons het ’n soortgelyke ervaring met hom in verlede jaar se Curriebeker-reeks gehad toe die Westelike Provinsie teen die Blou Bulle gespeel het.”

Volgens Wagner was Saterdag se wedstryd tussen die Stormers en Bulls, wat deur 48 000 toeskouers bygewoon is, die grootste een van die naweek.

“Die opbou in die media, al die kaartjies wat verkoop is, fanatiese ondersteuners en die atmos­feer in die kampe van albei spanne was vir jou ’n aanduiding van hoe groot dit was,” sê Wagner.

In sy brief lig Wagner verskeie voorbeelde uit van voorvalle waarin die Stormers aan die korste ent getrek het. Wagner verwerp ook Watson se uitlating dat die Bulls die bal wettiglik gewen het voor Habana se drie. Die Bulls was met 0-9 agter en danksy dié drie was die rustydtelling 7-9.

“Danie Rossouw lê op die grond en skop die bal met sy regtervoet uit Ricky Januarie se hande. Die beeldmateriaal is baie duidelik,” het Wagner gesê.

Daar is ook ’n verwysing na die Bulls-flank Wikus van Heerden wat op die bal toegesak het toe die Stormers gedreig het om ’n oorstootdrie van ’n skrum af te druk.

Watson het vandeesweek erken dié oortreding kon met ’n strafdrie en geel kaart gestraf gewees het.

“Dit was Noord teen Suid voor ’n groot skare. Saru moet sy top-skeidsregter vir só ’n wedstryd aanwys,” het Wagner gesê.

Wagner stel dit duidelik dat dié wedstryd uitgesonder is vir sy gebrek aan vloeiende spel, ondanks die proefreëls wat vinniger spel bevorder.

“Dit was nie die geval op Nuweland nie,” het hy gesê.

Wagner soek nou antwoorde by Watson.

en ek vra net ... waar is Piet Van Zyl? gaan duik daai rev vannie veld af wat 'n great sport so benadeel ... skande. klaargepraat

[henniedebeer]

Goed gestel :!: :!: :evil: :evil:

[BenHur]

Lekker suur druiwe as jy my vra.

Vat jou pak soos 'n man.

[ThysdJ]

Vat jou pak soos 'n man.

Daar stem ek saam. WP Rugby moet die saak los en aanvaar ons het verloor en vorentoe kyk. Dis verby, oor en uit. :!:

Hulle moet volgende keer so speel dat hulle kan wen al kroek die ref

[DOELLOOS]

Ons kort meer sulke refs in die BlouBul span....

[BenHur]

Ewald jy sien ons plan het gewerk. Nou moet ons net vir die ander refs ook 'n paar spin in die supralux belowe saam met 'n nice braai en dan ;n kilo of twee biltong elk en Bob's your uncle

Die Super 14 Cup bly net waar hy hoort.

En as hulle regtig taai is kan ons hulle altyd gratis subskripsies belowe.

[CasKru]

Ewald jy sien ons plan het gewerk. Nou moet ons net vir die ander refs ook 'n paar spin in die supralux belowe saam met 'n nice braai en dan ;n kilo of twee biltong elk en Bob's your uncle

Die Super 14 Cup bly net waar hy hoort.

En as hulle regtig taai is kan ons hulle altyd gratis subskripsies belowe.

Verseker sal julle al die goed moet doen want daar is geen ander manier wat julle weer daai koppie gaan lig nie!!! Maar ek dink nie daai taktiek gaan twee jaar in 'n ry werk nie

[BenHur]

Hoekom nie

[CasKru]

Ek dink die refs vra nou meer en ek weet nie of die Bulls se sakke so diep is nie

[Niel]

cassie cassie