Weskus kampplekke... help!

[Potifar]

Dagsê manne, en al die Swambo's ook. Voorspoedige nuwe jaar aan jul almal, mag die petrol en dielselpryse weer daal en almal hul kruisies op die regte plekke trek later vanjaar, o ja, en die blink kant bo hou!

Ek en Swambo wil volgende week die trokkie se neus bietjie weskus se kant toe stoot , maar ons ken nie daai wêreld nie . Ons wil die tent gaan maak staan op 'n mooi plekkie met visvang waters en 'n mooi braai uitsig.
Enige voorstelle sal regtig waardeer word!

[pietpetoors]

Hang af hoe rof jy wil kamp
Dit is gewoonlik baie vol die tyd van die jaar, maar volgende week dink ek is party mense al huis toe

As jy van onder vat is die volgende mooi kampplekke langs die see
Yzerfontein
Langebaan - Leentjiesklip
Paternoster - Tietiesbaai
Tussen Vredenburg en Paternoster - Trekoskraal (nie formeel nie)
St Helena - weet nie so lekker nie, hoor nie altyd goeie goed.
Laaplek is 'n lekker kampplek,
Elandsbaai
Lambertsbaai
Groenrivier - enige plek langs die see
Port Nolloth - Mcdougalls Bay

Hoe vêr noord wil jy gaan?

[mossie89]

Die weskus is baie lank, langebaan tot Kleinzee, hoe ver wil julle die trok se neus stoot, of laat n mens eerder vra hoe ver sal die bank bestuurder julle laat ry

[Potifar]

Nie te ver Noord nie, ons moet ongelukkig alweer Donderdag terug ry. Ek het 'n hele paar oulike plekke gesien wat bietjie meer aan die binneland le, maar met 4x4 roetes en staproetes, swembaddens ens. (Marcuskraal, Klein Tafelberg 4x4 ens)

Dankie vir jul hulp, trokkie is al gepak, nou moet Swambo net haar bodybag pak!

[pietpetoors]

As jy bietjie meer binneland gaan is Boegoeberg my gunsteling, naby Lambertsbaai

[Niel]

Daar is Ganzekraal en Strandfontein ook - geniet die trippie

[ROOFER]

Gerhard , Marcuskraal is beslis n mooi plek en die roete is ook maar lekker rof as jy hom gaan ry ,gawe mense daar Christie die eienaar hy hou van gesels nice ou

Lekker groen grasperke ,groot swem bad vir die warm weer en baie nice ablutions.

Julle sal dit geniet