My Isuzu het 'n "watertrap" en direk daarna die gewone skroef diesel filter. Ek vind dat ek gereeld die watertrap moet skoon maak wat ± 20 mm sand en ander gemors in het. Die sand kom ook in die pompie se kleppe en dan pomp hy glad nie. Dit is 'n probleem wanneer jy die filter ruil. Die bakkie se tenk en vulpyp en prop is dig en die sand kom nie van buite nie.
Die vraag is nou kan ek 'n gewone "inline" filter voor die watertrap installeer om die meeste van die sand op te vang, 'n tipe van 'n pre-filter of wat jy dit ook al noem? Ek het by my naaste Midas navraag gedoen oor so 'n "Inline diesel filter" maar hulle reken jy kry nie so 'n filter vir diesel nie, slegs vir petrol. Sal die petrol filter die ding doen of gaan hy verstop met die dikker viscosity van diesel? Ek het 'n ander filter in een van die plaaslike tydskrifte gesien wat net die ding is maar ek glo dit kos meer as wat die Isuzu werd is.
Wat sê julle slim manne?
